க.பொ.தராதர உயர்தரப் பரீட்சையின் பெறுபேறுகளை வெளியிடுவது தொடர்பில் வெளியான விசேட அறிவிப்பு


கடந்த வருடம் நடைபெற்ற க.பொ.த உயர்தரப் பரீட்சையின் பெறுபேறுகளை வெளியிடுவது குறித்து பரீட்சைகள் திணைக்களம் விசேட அறிவிப்பொன்றை வெளியிட்டுள்ளது.

அதற்கமைய, உயர்தர பரீட்சை பெறுபேறுகள் தொடர்பில் தற்போது ஊடகங்களில் வௌியாகும் செய்தி உண்மைக்கு புறம்பானவை எனவும் திணைக்களம் தெரிவித்துள்ளது.

இதுவரை பரீட்சை முடிவுகள் தொடர்பாக பரீட்சைகள் திணைக்களம் எந்தவொரு அறிவிப்பையும் வெளியிடவில்லை என்றும் குறிப்பிட்டுள்ளது.

அதன்படி, பரீட்சை பெறுபேறுகள் தொடர்பாக பல்வேறு ஊடகங்கள் மூலம் வெளியிடப்படும் தவறான செய்திகளைக் கண்டு மக்கள் ஏமாற வேண்டாம் எனவும் பரீட்சைகள் திணைக்களம் கேட்டுக்கொண்டுள்ளது.