ரூபாவின் பெறுமதியில் ஏற்பட்டுள்ள மாற்றம்

இலங்கை மத்திய வங்கி இன்று (24) வெளியிட்டுள்ள நாணய மாற்று விகிதங்கள் கடந்த வாரத்துடன் ஒப்பிடுகையில் சில மாற்றங்களை காட்டுகின்றன. குறிப்பாக, அமெரிக்க டொலருக்கு நிகரான இலங்கை ரூபாவின் பெறுமதி சற்றே வீழ்ச்சியைக் கண்டுள்ளது.

இன்று அமெரிக்க டொலரின் விற்பனை விலை 300.91 ரூபாவாகவும், கொள்வனவு விலை 292.40 ரூபாவாகவும் அமைந்துள்ளது. இதேநேரத்தில், கனேடிய டொலரின் விற்பனை விலை 211.16 ரூபாவாகவும், கொள்வனவு விலை 202.52 ரூபாவாகவும் பதிவாகியுள்ளன.

அதேபோல், யூரோவின் விற்பனை பெறுமதி 327.57 ரூபாவாக இருந்தாலும், அதன் கொள்வனவு பெறுமதி 314.82 ரூபாவாக காணப்படுகிறது. மேலும், ஸ்டேர்லிங் பவுண்டின் விற்பனை பெறுமதி 390.64 ரூபாவாகவும், கொள்வனவு விலை 376.44 ரூபாவாகவும் நிர்ணயிக்கப்பட்டுள்ளது.

அவுஸ்திரேலிய டொலரின் மாற்று விகிதங்களிலும் சிறிய மாற்றம் ஏற்பட்டுள்ளது. இதன்படி, அதன் விற்பனை பெறுமதி 191.11 ரூபாவாகவும், கொள்வனவு பெறுமதி 181.72 ரூபாவாகவும் பதிவாகியுள்ளது.