ஒரே நேரத்தில் இடமாற்றம் பெறும் 138 அதிபர்கள் ; வெளியான காரணம்!

வடமேல் மாகாணத்தில், ஒரே பள்ளியில் பத்து ஆண்டுகளுக்கும் மேலாக பணியாற்றி வரும் 138 அதிபர்களை மே 20 ஆம் தேதியிலிருந்து இடமாற்றம் செய்ய மாகாண கல்வி அமைச்சகம் தீர்மானித்துள்ளது.

இவை தொடர்பாக அதிருப்தி அடைந்த அதிகாரிகள், தங்களுடைய மேல்முறையீடுகளை இந்த மாதம் 30 ஆம் தேதிக்குள் சமர்ப்பிக்குமாறு அறிவிக்கப்பட்டுள்ளது.

ஏற்றுக்கொள்ளக்கூடிய சரியான காரணங்களை தவிர, வேறு எந்த காரணத்திற்கும் இடமாற்றங்கள் நிறுத்தப்படமாட்டாது என அதிகாரிகள் தெரிவித்துள்ளனர்.

வடமேல் மாகாணத்தின் ஆளுநர் திரு திஸ்ஸ வர்ணசூரிய, முதன்மை இடமாற்றக் கொள்கைக்கு அங்கீகாரம் வழங்கியுள்ளார்.

அத்துடன், அந்தக் கொள்கையின் எல்லைக்கு வெளியே எந்தவிதமான இடமாற்றங்களும் செயல்படுத்தப்படமாட்டாது மற்றும் இடைநிறுத்தப்படமாட்டாது என்றும் அவர் தெரிவித்துள்ளார்.