மாலை வேளையில் இடியுடன் கூடிய மழைக்கு வாய்ப்பு

தெற்கு, கிழக்கு மற்றும் வடக்கு மாகாணங்களில் இன்று (03) அவ்வப்போது மழை அல்லது இடியுடன் கூடிய மழை பெய்யக்கூடும் என வளிமண்டலவியல் திணைக்களம் அறிவித்துள்ளது.

பிற்பகல் அல்லது இரவில் நாட்டின் பல பகுதிகளில் மழை அல்லது இடியுடன் கூடிய மழை பெய்யும் வாய்ப்பு உள்ளது.

மேற்கு, சப்ரகமுவ, தெற்கு, மத்திய, வடமேற்கு, ஊவா மற்றும் வடமத்திய மாகாணங்களில் சில இடங்களில் 75 மில்லி மீட்டருக்கும் அதிகமான மழை பெய்யலாம்.

சப்ரகமுவ, மத்திய, ஊவா மாகாணங்கள் மற்றும் குருநாகல் மாவட்டத்தின் சில பகுதிகளில் காலை நேரத்தில் மூடுபனி காணப்படும்.

இடியுடன் கூடிய மழையின் போது தற்காலிகமாக பலத்த காற்று மற்றும் மின்னல் தாக்கம் ஏற்படும் வாய்ப்பு உள்ளதால், பொதுமக்கள் பாதுகாப்பு முன்னெச்சரிக்கை நடவடிக்கைகளை மேற்கொள்ளுமாறு அறிவுறுத்தப்படுகிறார்கள்.