பல அத்தியாவசிய உணவுப் பொருட்களின் விலைகள் குறைப்பு

லங்கா சதொச நிறுவனம் அத்தியாவசிய உணவுப் பொருட்களின் விலைகளைக் குறைக்க முடிவு செய்துள்ளது. எதிர்வரும் பண்டிகைக் காலத்தை முன்னிட்டு ஏழு அத்தியாவசிய பொருட்களின் விலைகள் குறைக்கப்படும் என அந்நிறுவனம் அறிவித்துள்ளது.  

இந்த விலைக் குறைப்பில் பெரிய வெங்காயம், டின் மீன், சிவப்பு சீனி, பருப்பு, நாட்டு அரிசி, கோதுமை மாவு மற்றும் சிவப்பு பச்சை அரிசி ஆகியவை அடங்கும்.  

பெரிய வெங்காயத்தின் விலை ஒரு கிலோகிராமுக்கு 30 ரூபாய் குறைக்கப்பட்டு, புதிய விலை 140 ரூபாயாக நிர்ணயிக்கப்பட்டுள்ளது. டின் மீனின் 425 கிராம் பேக்கின் விலை 25 ரூபாய் குறைக்கப்பட்டு, இப்போது 395 ரூபாயாக விற்கப்படும்.  

சிவப்பு சீனியின் விலை ஒரு கிலோவுக்கு 22 ரூபாய் குறைக்கப்பட்டு 255 ரூபாயாகவும், சிவப்பு பருப்பின் விலை ஒரு கிலோவுக்கு 15 ரூபாய் குறைக்கப்பட்டு 265 ரூபாயாகவும் உள்ளது. நாட்டு அரிசியின் விலை கிலோவுக்கு 7 ரூபாய் குறைந்து 213 ரூபாயாகவும், கோதுமை மாவின் விலை கிலோவுக்கு 7 ரூபாய் குறைந்து 155 ரூபாயாகவும் மாற்றப்பட்டுள்ளது.  

மேலும், சிவப்பு பச்சை அரிசியின் விலை கிலோவுக்கு 3 ரூபாய் குறைக்கப்பட்டு, புதிய விலை 217 ரூபாயாக அமைந்துள்ளது. இந்த விலைக் குறைப்பு பண்டிகைக் காலத்தில் பொது மக்களுக்கு ஓரளவு நிவாரணம் அளிக்கும் என எதிர்பார்க்கப்படுகிறது.